Su “Informagiovani” de Biddacidru, cun sa punna de donai a is famíglias un’ocasioni de arrespàrmiu, smenguendi is spesas scolàsticas, fait partiri sa de 2 Editzionis de su “Mercatino” ( mercadeddu) de is líbburus giai umperaus. Sa proposta, a scopu de agiudu e non de guadàngiu, punnat duncas a favoressi sa béndita e/o sa còmpora de líbburus giai umperaus de is iscolas de mesania e de is scolas mannas.
Is citadinus chi bolint bendi o comporai tenint sa possibbilidadi de apicai unu messàgiu po fai a connosci sa disponibbilidadi cosa insoru e gosai de is spàtzius de su “Informagiovani” po ammostai is líbburus cosa insoru, chi depint essi in cunditzionis bonas.
Su “Mercatino” est operativu 18 dís, de mércuris 7 de Cabudanni 2016 a cenàbara 30 de Cabudanni 2016, in is oràrius de obertura de su centru (lunis10,30/12,45, martis e mércuris 10,00/13,00 – 15,30/18,45, gióbia 10,00/13,30 e cenàbara 10,00/12,45).
Po pigai parti a sa proposta, is interessaus depint andai anche su “Informagiovani” (pratza Dessí) po ndi arretirai su regulamentu e po cumpilai su mollu de acunsentimentu.
